United States Air Force ah Pu Dawngliana a tling ta!

14729357_686977348118691_1624796744462440952_n

United States Air Force ah Pu Dawngliana a tling ta! – Kan tawngtaina Pathian in min chhang.

Kan Kohhran in tawngtai thupui ah regular taka kan lo neih thin chu Pathian in min chhang a, Pu Dawngtea chu US Air Force ah a tling ta! Pu. Dawngtea hian Information Technology a graduate hnuah US Air Force ah a interview a chutichuan a tling ta a ni. Lacklane Air Force Base, San Antonio, Texas ah ceremony hi ropui taka hman a ni.

Pu. Dawngtea kan Lawmpui em em a che! Ram tana i thawh/service na turah pawh Lalpan awmpui zel che rawh se!

Burma & India atangin Khualtha (Guests)

Mizo Wesleyan Church, Maryland, USA in Mizoram leh Burma atangin Khualtha kan nei

Khawvel pum huapa Wesleyan Kohhrante hi rinna, thlarau, baptisma, leh thurin ah hmunkhat a luang za ho kan nih angin kum tin International Wesleyan Conference (Inkhawmpui) hman thin a ni. Kumin Conference hi Buffalo, New York ah hman a ni a, Burma leh Mizoram a kan Kohhran palai te pawhin VISA hmuin tluang takin conference an rawn chhim thei a kan lawm hle.

Conference chhim tura palai rawn kal te hi Myanmar Wesleyan Church, General Secretary, Rev. Lalnuntluanga leh Mizoram District Superintendent, Rev Lallawmthanga te an ni.

Conference an hman zawh hian hmundangah kal lovin Indiana leh Maryland a kan Kohhrante hnenah iptepui rawn bangin “congregational care” rawngbawlna an rawn chhunzawm nghal a ni. Kohhran rawngbawl tura rawn kal an nih angin USA a kan Wesleyan Kohhran ding thar te an rawn ngaihven hmasa a kan lawm takzet a ni. Lalpan a let tam takin malsawm rawh se!

Khawiah pawh kal ila mahni Kohhran ngei belh hmasak hi thil tha tak ani a, intihhmuh zel ang u!

Pastor Lallawmthanga’n naupang (Aaron Zothankima) baptisma min neih sak a, Rev. Lalnuntluanga hovin Lalpa zanriah sakramen kan kil ho a ni. Burma, Mizoram, leh USA a keini Zofa Wesleyan Kohhranten inlungrual taka Lalpa rawng kan bawl ho zel dan tur te kan sawihova kan phur tlang hle. Mizoram, Burma, leh USA a kan Wesleyan Kohhranten official Website kan hman tlan theih tur neih tha kan ti tlang. Kan hruaitute hian Mizoram a kan Kohhran thalai WY hruaitu hlui Pu. Malliana (Fam) thlan an tlawh tel bawk a ni.

Kan Pastorten fuihna thu tha tak tak min chah a, an thusawite chu kan bengah a cham reng. Khawvel hmuntina Zofa Wesleyan Kohhrante lo dinchhuah dan hi a tir lamah te hle thin mah ila a tawp lamah chuan, Lalpa kaihhruaina avangin, kan arh chhuak zel thin a ni.

Kan chhehvela Kohhran tam tak te chu inzirtirna diklo (neih in ang leh zirtirna diklo) pawmin an tluchhe mek zela, rilru a na duh khawp mai. Kalsual an ni tih in hre reng chungin chhuanlam tur erawh an duai ngai hauh lo. Lal Isua erawh chuan “Tupawh ka lama tang lo chu mi do a ni” – Matthaia 12:30 ah a ti deuh hmuk mai si a, keini chhuanlam nena sawirem chi pawh anih hmel loh tlat mai. Lal Isua lama tan mai hi keini Wesleyan Kohhrante chuan tha kan ti a, kan conference ah pawh Baibul zirtirna pawm mai hi tha kan tih ber thu an “pass” nghe nghe.

He Khawvel suala tluchhe tawh karah keini Wesleyan Kohhrante Lalpan min venhim zel na chhan chu khup zawi ban uaithla leh Thutak fa muthlu tawh te kai harh leh turin Lalpan min hman duh vang a ni tih hi i hre thar leh ang u.

Lalpan malsawm zel che u rawh se!
Blessings!

burma-india-1

burma-india-2

burma-india-3

burma-india-4

burma-india-5

burma-india-6

Pastor Thlahna Tawngtai Inkhawm!

Naktuk Monday Dec 5, 2016 hian Pastor Lalrothang an Yangon, Burma lam panin min haw san dawn a, tawngtaina ah i hre theuh ang u! Kan Pastor cham chhung hi reilo hle mahse mi tamtak tan malsawmna a ni tak meuh meuh a ni. Maryland a kan Wesleyan Kohhran chauh nilovin state hrang hranga Kohhran leh fellowship ten an ruai nasa hle a, report ngaihthlak a manhla thei khawp mai.

15369024_10154066807080823_1539871692478792200_o

Kohhran Member Thar Lawmluhna Neih A Ni

Lalpan rawngbawlpui tur member thar duhawm tak Tv. Tiama (Lalthutiama) min pe leh a, vawiin Sunday chhun inkhawm ah Pastor. Thangte-an lawmluhna hunserh min kaihruai.

Tv. Tiama hi Mizoram a kan Wesleyan Kohhran member a ni a, USA a rawn thlen hnu ah mahni Kohhran ngei a rawn bel chat a, a entawntlak takzet a ni.

15289215_10154066808345823_846836050580703267_o